«Տվյալների օգտագործումը SPSS ծրագրային փաթեթի միջոցով» դասընթացի հայտարարություն
Հետազոտական ռեսուրսների կովկասյան կենտրոն (ՀՌԿԿ)–Հայաստանը
հրավիրում է
«Տվյալների օգտագործումը SPSS ծրագրային փաթեթի միջոցով»
թեմայով դասընթացին,
որը կվարի ՀՌԿԿ-Հայաստանի տվյալների հավաքագրման ծրագրի ղեկավար Էլլա Կարագուլյանը
| Օրը՝ | 27-ը մարտի, 2018 |
| Ժամը՝ | 12:30-15:30 |
| Վայրը՝ | Մարտունու կանանց համայնքային խորհուրդ ՀԿ, «Մարտունի ինֆոտուն»
ք. Մարտունի, Կամոյի 17 |
| Լեզուն՝ | Հայերեն |
Դասընթացը կազմակերպվում է Մարտունու կանանց համայնքային խորհուրդ ՀԿ —ի հետ համագործակցաբար՝ Հանրային մասնակցություն տեղական ինքնակառավարմանը ծրագրի շրջանակներում:
Նկարագրությունը.
Մասնակիցները կծանոթանան SPSS ծրագրային փաթեթի հնարավորություններին, կսովորեն ներմուծել տվյալներ, կոդավորել և վերակոդավորել դրանք, նախնական վերլուծություն կատարել, ինչպես նաև ստեղծել նոր փոփոխականներ ու պատկերավոր ներկայացնել վերլուծության արդյունքները: Նախատեսվում են նաև փոփոխականների միջև կապերի բացահայտման վարժություններ:
Ում համար է.
Դասընթացը նախատեսված է տվյալների հետ աշխատանքով հետաքրքրվածների համար: Տվյալների հետ աշխատանքի փորձը ցանկալի է:
Դասընթացավարի համառոտ կենսագրությունը.
Էլլան ունի հետազոտության ավելի քան 8 տարվա փորձ: Մինչ ՀՌԿԿ-Հայաստանին միանալը աշխատել է Մասնագիտական կրթության որակի ապահովման կենտրոնում որպես սոցիոլոգ և ՀՀպետական կառավարման ակադեմիայի տարածաշրջանային հետազոտությունների կենտրոնումորպես գիտաշխատող: Համագործակցել է տեղական և միջազգային մի շարք կազմակերպությունների հետ որպես տվյալների կառավարման մասնագետ և հետազոտող: 2011թ.-ին Լյուվենի կաթոլիկ համալսարանից (Բելգիա) ստացել է մագիստրոսի աստիճան՝Սոցիալական քաղաքականության վերլուծություն մասնագիտությամբ:
Գրանցման կարգը.
Դասընթացին մասնակցելու համար խնդրում ենք լրացնել հայտը մինչև մարտի 25-ը: Ընտրված մասնակիցները կծանուցվեն էլ. փոստով մարտի 26-ին: Հարցերը կարող եք ուղղել event@crrc.am էլ. հասցեով՝ վերնագրում նշելով SPSS_training:
ՀաՄաՏեղ ծրագրի մասին. ՀաՄաՏեղ ծրագիրն իրականացվում է Համայնքների ֆինանսիստների միավորմանկողմից՝ Տեղեկատվական համակարգերի զարգացման և վերապատրաստման կենտրոնի, Երևանի մամուլիակումբի, Ժուռնալիստների «Ասպարեզ» ակումբի, Եվրասիա համագործակցություն հիմնադրամի և ՀՌԿԿ—Հայաստանի հետ համատեղ, և ֆինանսավորվում է Ամերիկայի Միացյալ Նահանգների Միջազգային զարգացմանգործակալության կողմից: Ծրագրին մանրամասն ծանոթանալու համար հետևեք այս հղմանը:
