«Մարտունու կանանց համայնքային խորհուրդ» ՀԿ
«Մարտունու կանանց համայնքային խորհուրդ» ՀԿ-ի առաքելությունն է նպաստել համայնքների զարգացման գործում բնակչության մասնակցային վարքի ձևավորմանը և այդ միջոցով համայնքների տնտեսական, սոցիալական, մշակութային խնդիրների արդյունավետ լուծմանը` հատուկ ուշադրություն դարձնելով խոցելի խմբերին:
«Մարտունու կանանց համայնքային խորհուրդ» ՀԿ-ն, հիմնադրվելով 2000 թվականին գործունեություն է իրականացնում սոցիալական, առողջապահության, բնապահպանության, և համայնքային զարգացման ոլորտներում՝ կարևորելով բնակչության անմիջական ներգրավվածությունը տարբեր խնդիրների լուծման գործընթացում: Մեր խորհրդի ջանքերով Գեղարքունիքի մարզում վերակառուցվել են բուժկետեր, կառուցվել նախակրթարաններ, հիմնվել է սոցիալական ձեռնարկություն, որտեղ աշխատում են բացառապես հաշմանդամություն ունեցող անձիք: Փորձում ենք նպաստել համայնքում ապահով և պաշտպանված քաղաքացու ձևավորմանը։
Կազմակերպությունն արտակարգ իրավիճակներում իրականացնում է հումանիտար աջակցություն, աշխատելով տեղահանվածների, միայնակ ծերերի, բռնության ենթարկված կանանց և այլ խոցելի խմբերի հետ։
ՀԿ-ի ծրագրային ուղղություններն են՝
- Խոցելի խմբերի հետ աշխատանք
- Հումանիտար աջակցություն արտակարգ իրավիճակներում
- Մեծահասակների կրթություն
- Քաղաքացիական հասարակության գիտակցության բարձրացում ու կարողությունների զարգացում
- Մարդու իրավունքներ և ժողովրդավարություն
- Մեդիագրագիտություն և երիտասարդության ակտիվացում
- Կոռուպցիայի դեմ պայքար և շահերի բախում
- Պայքար խտրականության դեմ
Մարտունի քաղաքում ստեղծել ենք՝
- Բռնության ենթարկված կանանց աջակցման կենտրոն
- «Կրթապնակ» մեծահասակների կրթության կենտրոն
- «Մարտունի ԻնֆոՏուն»
- «Թագանի» սոցիալական ձեռնարկություն
- «Ռադիո Մարտունի» առցանց ռադիո
- Մարտունի երիտասարդական բանկ
- Համայնքային ռեսուրս կենտրոն
2020 թվականի 44-օրյա պատերազմից ի վեր «Մարտունու կանանց համայնքային խորհուրդ» ՀԿ-ն իրականացրել է տարբեր ծրագրեր՝ ուղղված տեղահանված ընտանիքների ինտեգրմանն ու բնականոն կյանքի ապահովմանը։ Իրականացրած ծրագրերի շրջանակներում տեղահանված անձանց համար կազմակերպվել են իրազեկման և կարողությունների զարգացման դասընթացներ։ Յուրաքանչյուր դասընթացի համար մշակվել է կրթական ծրագիր և հարմարեցվել է մասնակիցների կրթական կարիքներին։
