Հ Ա Յ Տ Ա Ր Ա Ր ՈՒ Թ Յ ՈՒ Ն «ՆԱԽԸՆՏՐԱԿԱՆ ԲԱՆԱՎԵՃԵՐ ԱՊՐԻԼԻ 2-ԻՆ ԿԱՅԱՆԱԼԻՔ ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐԻՆ ԸՆԴԱՌԱՋ»

7 марта, 2017

«Մարտունու կանանց համայնքային խորհուրդ» հասարակական կազմակերպությունը «ՀԱԲ 2017» ծրագրի շրջանակներում  ապրիլի 2-ին կայանալիք խորհրդարանական ընտրություններին ընդառաջ պատրաստվում է կազմակերպել նախընտրական բանավեճեր:

Այս միջոցառումների շարքի նպատակն է նպաստել երկխոսության ակտիվացմանը հանրության և քաղաքական կուսակցությունների ու դաշինքների միջև։ Հնարավորություն տալ բնակչությանը բարձրաձայնել համապետական և տեղական նշանակություն ունեցող կարևորագույն հարցեր և հասկանալ քաղաքական կուսակցությունների ու դաշինքների դիրքորոշումները վերոնշյալ հարցերի շուրջ:

Հանդիպման ընթացքում  յուրաքանչյուր  կուսակցություն և դաշինք  հնարավոորություն կունենա ներկայացնելու իր նախընտրական ծրագիրը, հնարավորինս մատչելի հիմնավորելով նաև դրանց իրականացման հնարավորությունները: Ցանկալի է ներկայացնել նաև, թե  նախընտրական ծրագրերում  որքանով են ներառված տեղական հիմնախնդիրները: Հնարավորություն կտրվի նաև հարց ու պատասխանի։

Առաջին հանդիպումը տեղի կունենա  «Մարտունու կանանց համայնքային խորհուրդ» ՀԿ գրասենյակում  մարտի    15—ին, ժամը 14:00-ին:

 Հրավիրում ենք ներկա գտնվելու հասարակական կազմակերպություններին, ԶԼՄ ներկայացուցիչներին, տարածքային և տեղական ինքնակառավարման մարմիններին, բնակիչներին և այլ հետաքրքրված անձանց։

Հանդիպմանը կարող են մասնակցել  կուսակցության կամ դաշինքի ներկայացուցիչները, ինչպես նաև տարածքային ցուցակով ընդգրկված թեկածուները։

Մենք կարևորում ենք Ձեր մասնակցությունը:

Շնորհակալություն համագործակցության համար:

Հասցե՝ ք.  Մարտունի Կամոյի 17

Հեռ.՝  (093) 700 245

E-mail: kananc7@gmail.com