Հայտարարություն. կրտսեր հոգեբան

23 декабря, 2021

Աշխատանքի անվանումը՝ Կրտսեր հոգեբան

Կազմակերպությունը՝ «Մարտունու կանանց համայնքային խորհուրդ» ՀԿ

Աշխատանքի տևողությունը՝  01.03.2022թ-ից մինչև 19.11.2023թ-ը

ՄԿՀԽ ՀԿ-ն «Արձագանք Քովիդ-19 համավարակին Շողակաթ համայնքում» ծրագրի շրջանակներում հայտարարում է Շողակաթ խոշորացված համայնքի Կրտսեր հոգեբանի ընտրության մրցույթ: 

 Կրտսեր հոգեբանի աշխատանքի հակիրճ նկարագիրը․

Շողակաթ համայնքից թիմում կներգրավվի կրտսեր հոգեբան՝ աջակցության թիմի համար նախատեսված բոլոր պահանջվող պարտականություններն իրականացնելու համար։ Կրտսեր հոգեբանը կաշխատի ավագ հոգեբանի անմիջական վերահսկողությամբ և կօգնի համայնքի բնակիչներին հոգեբանական աջակցություն ստանալու հարցում՝ տրամադրելով նրանց տեղեկատվություն գործող թեժ գծի, ձևավորված աջակցության թիմի և այլ միջոցառումների մասին։ 

Կրտսեր հոգեբանի հիմնական գործառույթները․

• Տրամադրել հոգեբանական խորհրդատվություն խոցելի խմբերի ներկայացուցիչներին, շահառուներին և/կամ նրանց ընտանիքի անդամներին Շողակաթ խոշորացված համայնքում ինչպես առցանց, այնպես էլ ոչ առցանց եղանակով

• Աջակցող թիմի անդամների հետ վարել ծրագրով նախատեսված թեժ գիծը՝ հոգեբանական խնդիրներին արձագանքելու համար

• Բացահայտել համայնքում առկա հոգեբանական խնդիրները, ավագ հոգեբանի հետ կազմակերպել անհատական խորհրդատվություններ, խմբային թերապիաներ՝ հաղթահարելու COVID-19-ի բացասական ազդեցությունները, անձնային խնդիրները՝ խթանելով նրանց անձնական աճը

• Իրականացնել աշխատանքային անհրաժեշտությունից բխող այլ պարտականություններ։

Պահանջներ կրտսեր հոգեբանին.

• Բարձրագույն կրթություն, կամ առնվազն 3 տարվա աշխատանքային փորձ և միջին մասնագիտական կրթություն, 

• Մասնագիտական հմտությունների տիրապետում,  

• Հոգեբանության հիմունքների իմացություն,                                                        

• Թիմում աշխատելու պատրաստակամություն և ունակություն:

Հայտերի ներկայացման կարգը

Հետաքրքրված թեկնածուները կարող են ուղարկել ինքնակենսագրական (CV) kananc7@gmail.com էլեկտրոնային հասցեին մինչև 2022թ. հունվարի 15-ը՝ վերնագրում նշելով՝ «Կրտսեր հոգեբան» անվանումը կամ ներկայացնել ՄԿՀԽ ՀԿ-ի գրասենյակ՝ ք․ Մարտունի, Կամոյի 17: Ժամկետից ուշ ստացված հայտերը ՉԵՆ ԴԻՏԱՐԿՎԻ: Ընտրված մասնակցին սահմանված կարգով կառաջարկվի կնքել ծառայությունների մատուցման համապատասխան պայմանագիր: 

 Կազմակերպության մասին. 

«Մարտունու կանանց համայնքային խորհուրդ»-ը Գեղարքունիքի մարզի առաջատար հասարակական կազմակերպություններից է, որը նպատակ ունի նպաստել համայնքների տնտեսական, մշակութային, սոցիալական խնդիրների արդյունավետ լուծմանը ՝ այդ գործընթացներում կարևորելով բնակչության անմիջական ներգրավվածությունը։ Կազմակերպությունը գործունեություն է ծավալում հիմնականում առողջապահության, բնապահպանության, սոցիալական և համայնքային զարգացման ոլորտներում։ 

Կոնտակտներ

«
»