Համայնքային մշտադիտարկողների հավաք

Март 14, 2018
«Կառավարության և քաղաքացիական հասարակության համագործակցության ամրապնդումը բաց կառավարման գործընկերության մեջ` հանուն հանրային ծառայությունների բարելավման» ծրագրի շրջանակներում Մարտունու կանանց համայնքային խորհուրդը հայտարարում է Գավառ համայնքի թիվ 2 միջ դպրոցի շինարարական աշխատանքների մշտադիտարկող խմբի (մոնիթորների խումբ) անդամների հավաքագրում։
Մշտադիտարկող խումբը կգործի կամավորության սկզբունքով։

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

  • Ներգրավված լինել համայնքային կյանքում,
  • Հետևել դպրոցում իրականացվող շինարարական աշխատանքներին,
  • Պահպանել տեխնիկական անվտանգության կանոնները շինարարական հրապարակում
  • Ուսումնասիրել նախագիծը և շինարարական ընթացքին առնչվող փաստաթղթերը
  • Վեր հանել հնարավոր խնդիրները՝ կապված շինարարական աշխատանքների հետ
  • Մասնակցել Համատեղ աշխատանքային խմբի հանդիպումներին, որտեղ քննարկվելու են վերհանված խնդիրները և համապատասխան որոշումներ են կայացվելու տեղական ինքնակառավարման մարմինի, տարածաշրջանային կառավարման մարմինի, դպրոցի ադմինիստրացիայի և այլ շահագրգիռ կողմերի ու շահառուների հետ (բնակիչներ, ծնողներ, աշակերտներ և այլն)

 

ՄՈՆԻՏՈՐԻ ՊՐՈՖԻԼ
Որպես ներառական կազմակերպություն՝ մենք խրախուսում ենք բոլոր նրանց, ովքեր

  •  հետաքրքրված են
  • արժևորում են բազմազանությունը
  •  ունեն տարբեր փորձ և հմտություններ
  • պատասխանատու են
  • տիրապետում են հաղորդակցման հմտություններին
  • թիմում աշխատելու և համագործակցելու ունակություն ունեն
  • 13 տարեկանից բարձր են (ծնող, շրջանավարտ, դպրոցական, ուսուցիչ, համայնքի կամ մարզի բնակիչ):

 

ՁԵՌՔԲԵՐՈՒՄՆԵՐ

  •  Մշտադիտարկում իրականացնելու փորձ
  • Գիտելիքների, կարողությունների և հմտությունների զարգացում (տեղական
    ինքնակառավարման, ինտերնետ տեխնոլոգիաների, հաղորդակցության և այլ
    ոլորտներում)
  • Ակտիվ մասնակցություն համայնքային կյանքում, համայնքի զարգացմանն
    ուղղված ծրագրերում, որոշումների կայացման գործընթացում
  • Ճանաչում համայնքի բնակիչների, ՏԻՄ-ի շրջանում:

 

ՈՎՔԵՐ ՉԵՆ ԿԱՐՈՂ ԴԻՄԵԼ

  •  Գավառի  թիվ 2 միջ դպրոցի ադմինիստրացիայի հետ փոխկապակցված անձիք
  • Գավառի թիվ 2 միջ դպրոցում շինարարություն իրականացնող շինարարական կազմակերպության, շինարարների հետ փոխկապակցված անձիք
  • Պետական կառավարման համակարգի (մարզպետարան, քաղաքապետարան) աշխատակիցներ:

 

Ծրագրին մանրամասն կարող եք ծանոթանալ այստեղ։

Դիմել կարող եք լրացնելով հայտադիմումը

Դիմելու վերջնաժամկետ՝ մարտի 25,

 

Հարցերի դեպքում դիմեք «Մարտունու կանանց համայնքային խորհուրդ» ՀԿ,
Հասցե՝ ք․ Մարտունի, Պռոշյան 8,
Հեռ․՝ +37491700245,
էլ․ հասցե՝ kananc7@gmail.com ,
web` martunicenter.am

Ծրագիրն իրականացնում է «Մարտունու կանանց համայնքային խորհուրդ»  ՀԿ-ն Արմավիրի զարգացման կենտրոն հասարակական կազմակերպության (ԱԶԿ ՀԿ) և   Ինթեգրիթի Էքշնի առաջնորդությամբ, ՀԿ Կենտրոն-ի, Գորիսի մամուլի ակումբի և Սոցիալ-տնտեսական քաղաքականության տարածաշրջանային հետազոտությունների ինստիտուտի հետ համատեղ՝ Ասիական զարգացման բանկի ֆինանսավորմամբ: