Կանանց աջակցման կենտրոն Գեղարքունիքի մարզում
Հայաստանի Հանրապետության աշխատանքի և սոցիալական հարցերի նախարարության ֆինանսավորմամբ «Մարտունու կանանց համայնքային խորհուրդ» հասարակական կազմակերպությունն իրականացնում է «Ընտանիքում բռնության ենթարկված անձանց աջակցության կենտրոնների ծառայություններ» ծրագիրը, որի նպատակն է նպաստել Գեղարքունիքի մարզում ընտանիքում բռնության կանխարգելման, ընտանիքում բռնության ենթարկված անձանց պաշտպանության, նրանց հզորացմանը և ներդաշնակ ու համերաշխ ընտանեկան հարաբերությունների ձևավորմանը։
«Մարտունու կանանց համայնքային խորհուրդ» հասարակական կազմակերպությունը 2020 թվականից հանդիսանալով կանանց աջակցման կենտրոն Գեղարքունիքի մարզում, իր այս առաքելության շրջանակներում մարզում սոցիալական, հոգեբանական, իրավաբանական խորհրդատվության ծառայություններ է մատուցել ավելի քան 300 շահառուի։ Կենտրոնի շահառուները բռնության ենթարկված կանայք են, ովքեր հայտնվել են կյանքի դժվարին իրավիճակում։
Ծրագրով նախատեսվում է մասնավորապես՝
- Բնակչությանն իրազեկել աջակցման կենտրոնի գործունեության և մատուցվող ծառայությունների մասին
- Զոհերի համար հնարավորություն ստեղծել ստանալու անվճար սոցիալ-վերականգնողական, հոգեբանական, իրավաբանական աջակցություն
- Զոհերի կյանքին և առողջությանը վտանգ սպառնալու դեպքում կատարել ուղղորդումներ ապաստարան կամ այլ կառուցներ։
- Նպաստել մասնագիտական նոր հմտությոնների ձեռքներմանը, կանանց տնտեսական անկախությանը։
- Իրականացնել միջնորդություններ միանվագ դրամական աջակցություն ստանալուն
- Ի շահ զոհերի համագործակցություն պետական և ոչ պետական կառույցների հետ
- Ընտանիքի հաշտեցման գործընթացի իրականացում։
Կենտրոնը մարզում գործող երկու ՝ Մարտունու և Գավառի կենտրոնների աշխատակիցնների միջոցով տրամադրում է ծառայություններ ՀՀ Գեղարքունիքի մարզի քաղաքային և գյուղական համայնքների ընտանեկան բռնության ենթարկված անձանց։
Ծրագիրը աջակցելու է բռնության ենթարկված կանանց տնտեսական հզորացմանը, որոնցից լավագույն բիզնես ծրագիր ներկայացրած կանայք մրցութային կարգով կստանան խրախուսական նյութեր/ սարքավորումներ/ պարագաներ։
Ծրագրի իրազեկման աշխատանքների շնորհիվ սոցիալական հարթակներում շուրջ 300 կանանց կպատմվի ծրագրի առաջնային շահառուների հաջողությունների մասին և կխրախուսվի տնտեսական անկախությունն ու հզորացումը։
Կանանց աջակցման կենտրոնի հեռախոսահամարներն են՝
(+374) 94876502
(+374) 94876505
