Դասընթացի հայտարարություն․ Զորակոչիկների և զինծառայողների իրավունքներն ու պարտականությունները

2016թ. հունիսի 2-ին, ժամը՝ 12:00 — 14:00-ին, Հելսինկյան Քաղաքացիական Ասամբլեայի Վանաձորի գրասենյակը հրավիրում է զորակոչիկների, նրանց հարազատների, իրավաբանների և հետաքրքրված այլ անձանց մասնակցելու՝ «Մարդու իրավունքների հիմունքները, զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով դասընթացի: Դասընթացը տեղի կունենա «Մարտունու կանանց համայնքային խորհուրդ» ՀԿ-ում, հասցեն՝ ք․ Մարտունի, Կամոյի 17։

Դասընթացի ընթացքում մասնակիցներին կներկայացվեն զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները, մասնավորապես. «Զինապարտության մասին» ՀՀ օրենքի դրույթներն առավել մատչելի ձևով, ինչպես նաև ՀՀ ՊՆ 410 Հրամանի դրույթները, որոնցով կարգավորում է զինծառայությանը պիտանիության հարցը: Անդրադարձ կարվի նաև զինծառայության ընթացքում զինծառայողների իրավունքների պաշտպանությանը և բողոքարկման մեխանիզմներին:

Անհրաժեշտության դեպքում զորակոչիկներին եւ նրանց հարազատներին դասընթացից հետո կտրամադրվի իրավաբանական խորհրդատվություն, կուսումնասիրվեն բժշկական փաստաթղթերը և կտրամադրվի համապատասխան եզրակացություն:

Դասընթացը կվարի՝ ՀՔԱ Վանաձորի գրասենյակի Խաղաղասիրական ծրագրերի համակարգող Արմինե Սադիկյանը։

Նույն օրը Հելսինկյան Քաղաքացիական Ասամբլեայի Վանաձորի գրասենյակիիրավաբանը կտրամադրի անվճար իրավաբանական խորհրդատվություն:

Խորհրդատվության համար կարող են դիմել 

• Զինծառայողներ, զորակոչիկներ և նրանց ընտանիքներ
• Ռազմագերիներ, անհայտ կորածներ, հակամարտություններից տուժածներ և նրանց ընտանիքներ
• Հոգեկան և մտավոր հաշմանդամություն ունեցող անձինք և նրանց ընտանիքներ
• Դատապարտյալներ, կալանավորներ և նրանց ընտանիքներ
• Թմրամիջոց գործածռողներ և նրանց ընտանիքներ
• Քրեական գործերում ներգրավված վկաներ, տուժածներ, կասկածյալներ, մեղադրյալներ և նրանց ընտանիքներ
• Քաղաքացիական և քաղաքական ակտիվիստներ
• Ընտրողներ, դիտորդներ
• Կրոնական փոքրամասնություններ
• Սոցիալապես խոցելի խմբեր

Դասընթացին մասնակցել ցանկացողներին խնդրում ենք նախապես գրանցվել: Գրանցվելու համար կարող եք դիմել ՄԿՀԽ–ի նախագահ Անահիտ Գևորգյանին՝ 094 2113 96  հեռ․ համարով։